Naseem minai
نعت
افضل میرے آقا کے سوا کوئی نہیں ہے
ہاں کوئی نہیں بعد خدا کوئی نہیں ہے
محبوب خدا سروردیں شافعی محشر
ایک احمد مرسل کے سوا کوئی نہیں ہے
کونین میں فرمان محمدﷺ کے مطابق
معبود بجز ذات خدا کوئی نہیں ہے
ہر چیز میں ہے عکس جمال رخ احمد
وابستہ ہیں سب ان سے جدا کوئی نہیں ہے
ہم سر کہیں ہم جس کو رسول عربی کا
کونین میں ایسا بخدا کوئی نہیں ہے
کیوں کر نہ چلے اہل جہاں نقش قدم پر
مثل شہ دیں راہنما کوئی نہیں ہے
روشن میرے آقا پہ ہے ہر ظاہر و باطن
راز ان کی نگاہوں سے چھپا کوئی نہیں ہے
دم نکلے نسیمؔ اپنا در پاک نبیﷺ پر
ارمان اب اور اس کے سوا کوئی نہیں ہے
نسیمؔ مینائ
شاہجہانپور
Seyad faizul murad
12-Sep-2022 08:56 AM
واااہ واااہ ماشاء الله عمدہ بہترین
Reply